Sinoptyki raspaviali, kali marazy asłabiejuć. Užo chutka
U aŭtorak nočču pa zachodniaj častcy krainy tempieratura pavietra składzie 6—12°C marozu, pa ŭschodniaj panizicca da minus 13 - minus 18°C.
Dniom budzie 1-6°C nižej za nul, tolki pa paŭdniovym zachadzie tempieratura pavysicca da nula - +1.
U Minsku nočču da minus 10°C, dniom minus 2—4°C.
«U dalejšym atmaśfiernyja franty, jakija źmiaščajucca z paŭdniovaha zachadu Jeŭropy, pryniasuć apadki i bolš ciopłaje pavietra. Tak što marazy asłabiejuć, a pa paŭdniovym zachadzie krainy čakajecca adliha», - paviedamili BiełTA ŭ Biełhidramiecie.
U sieradu, 7 sakavika, tempieratura pavietra ŭnačy składzie 3-9°C marozu, dniom čakajecca ad nula da minus 5,
u paŭdniova-zachodnich rajonach budzie krychu ciaplej: nočču — ad nula da minus 2°C, udzień —1—3°C ciapła.
U Minsku nočču i ranicaj čakajecca da minus 5°C
U čaćvier, 8 sakavika, na bolšaj častcy terytoryi krainy čakajecca śnieh, mokry śnieh, pa paŭdniovym zachadzie z daždžom. Na darohach hałalodzica.
Tempieratura pavietra ŭnačy składzie 2—8°C marozu, pa paŭdniovym zachadzie — kala nula, dniom prahnazujecca ad minus 4°C da +2°C, pa paŭdniovym zachadzie Bresckaj vobłaści pavietra prahrejecca da 3—5°C vyšej za nul.
