Šunievič: Treba vielmi žorstka karać bytavych pjanic i naohuł usich ałkaholikaŭ
Na ŭzrovień złačynnaści ŭ krainie surjozny ŭpłyŭ akazvajuć «tyja asoby, jakija złoŭžyvajuć śpirtnym, tyja, u jakich śpirtnoje stała praduktam charčavańnia, praduktam štodzionnaha spažyvańnia». Pra heta ŭ efiry ANT raspavioŭ ministr unutranych spraŭ Ihar Šunievič, piša Tut.by.
- Nam treba vielmi žorstka karać bytavych pjanic i naohuł usich ałkaholikaŭ. U ich usio hipiertrafiravanaje: śviadomaść, pavodziny. U bližejšy čas my budziem ekstrana vypracoŭvać novyja mietady minimizacyi škodnych nastupstvaŭ pjanstva, — paviedamiŭ kiraŭnik MUS.
U našaj krainie kožnaje čaćviortaje złačynstva ździajśniajecca ŭ stanie ałkaholnaha apjanieńnia. Dola zabojstvaŭ, naŭmysnych ciažkich cialesnych paškodžańniaŭ, rabavańniaŭ, razbojaŭ i chulihanstvaŭ ŭ pjanym stanie dasiahaje 70-80%.
Nahadajem, ciapier MUS prapanoŭvaje abmiežavać roźničny handal ałkaholem. Novaŭviadzieńni mohuć kardynalna źmianić zvykłaje ŭjaŭleńnie ab kupli śpirtnoha ŭ Biełarusi. Kolkaść handlovych abjektaŭ, u jakich pradajecca ałkahol, u našaj krainie ŭ razy pieravyšaje ich kolkaść u raźvitych krainach. U nas pa krainie na 10 tysiač čałaviek, u tym liku dziaciej i starych, prychodzicca 17 kram z ałkaholem. A heta adzin mahazin na 600 čałaviek. Pry hetym, naprykład, u Šviecyi i Narviehii adzin mahazin, dzie pradajuć napoi macniejšyja za 4,75%, prypadaje na 4,5 tysiačy čałaviek, u Finlandyi — na 6,3 tysiačy, Isłandyi — na 15,9 tysiačy.
Na dyspansiernym uliku ŭ krainie na 1 žniŭnia 2017 hoda znachodzilisia kala 164 500 chvorych ałkahalizmam. Pry hetym u Minsku — kala 35 tysiač čałaviek.
Apytanka
