Žurnalisty pacikavilisia ŭ Łukašenki, jak jaho syn usio paśpiavaje
Alaksandr Łukašenka padčas naviedvańnia finalnaha etapu respublikanskich spabornictvaŭ siarod dziaciej i padletkaŭ pa bijatłonie «Śniežny snajpier» prakamientavaŭ vystup svajho małodšaha syna Mikałaja, pieradaje BiełTA.
Fota: Darja Burakina, TUT.BY
Kiraŭnik dziaržavy adznačyŭ, što Mikałaj prychvareŭ, ale ŭsio roŭna vyrašyŭ udzielničać u spabornictvach. «U jaho vyniki na 2,5—3 chviliny horšy, jak na papiarednim etapie, ale ja jamu daruju, tamu što ŭžo stajała pytańnie, być ci nie być, ale jon kaža: kudy dziavacca, paabiacaŭ kamandzie. Heta mužyk, małajčyna! Nie pajšoŭ chvareć, pajšoŭ siudy», — adznačyŭ Alaksandr Łukašenka.
Žurnalisty pacikavilisia ŭ Łukašenki, jak jaho syn ŭsio paśpiavaje, bo, akramia łyžaŭ, Mikałaj zachaplajecca chakiejem, muzykaj, vyvučaje zamiežnyja movy. Alaksandr Łukašenka rastłumačyŭ, što dzieci ŭ svaim uzroście mohuć skaryć usio, što zachočuć. «Važna nie stracić hety załaty čas, kali im usio paddajecca», — padkreśliŭ jon.
Pry hetym Łukašenka źviarnuŭ uvahu, što jaho małodšy syn pakul nie dumaje stanavicca ni bijatłanistam, ni chakieistam. «Ja jaho nie ŭhavorvaju, jon jašče maleńki. Bolš za ŭsio ŭ jaho atrymlivałasia płavańnie, ale jon kateharyčna adchiliŭ jaho, kaža, što heta nudny sport. U jaho niadrenna z łyžami, tamu što jon vysoki. Kaža, što heta jamu taksama nudna. A voś chakiej — heta ŭsio. Tamu ja nie viedaju, jakim sportam jon budzie zajmacca. Ja jaho prosta vuču tamu, što ŭmieju sam», — reziumavaŭ Alaksandr Łukašenka.