Ministerstvu achovy zdaroŭja nie spadabalisia nazvy niekatorych aptek
Ministerstva achovy zdaroŭja zaklikała apteki prybrać z šyldaŭ i śvietłavoj rekłamy infarmacyju, jakaja ŭvodzić u zman.
U liście Ministerstva achovy zdaroŭja prainfarmavała pra pavieličeńnie kolkaści aptek, u śvietłavoj rekłamie i na šyldach jakich vykarystoŭvajucca tavarnyja znaki, takija jak «Apteka aščadnych», «Lubimaja Apteka», «Doktar A», «Doktar Do», «Jeŭraapteka», «Alfa-apteka», «Kłapatlivaja Apteka», «Dobryja Leki», «Apteka nizkich cen», «Apteka aptovych cen». Na dumku ministerstva, heta ŭvodzić u zman nasielnictva i pryvodzić da zvarotaŭ hramadzian. Ministerstva achovy zdaroŭja nahadała, što vykarystańnie takich tavarnych znakaŭ supiarečyć zakonu ab abaronie pravoŭ spažyŭcoŭ, a taksama nie adkazvaje patrabavańniam Naležnaj aptečnaj praktyki.
Jurydyčnyja asoby, jakija majuć licenzii na farmaceŭtyčnuju dziejnaść, pry raźmiaščeńni infarmacyi dla nasielnictva (u tym liku ŭ internecie) pavinny vykarystoŭvać tolki nazvu arhanizacyi, nazvanaj u licenzii i ŭ paśviedčańni ab dziaržrehistracyi.