Knižny kirmaš: try cikavyja aŭtohraf-siesii. «Technałohija» zaprašaje
2018 hod jubilejny nie tolki dla našaj krainy, što adznačaje 100-hodździe BNR, nie tolki dla XXV Mižnarodnaj knižnaj vystavy, što ad učora prachodzić u vystavačnym kompleksie BiełEkspa. Vydaviectvu «Technałohija» spaŭniajecca sioleta 30 hadoŭ.
Abaviazkova zavitajcie ŭ hości da cmokaŭ: na jubilejnym stendzie vas čakajuć najlepšyja vydańni pa historyi, muzycy i movaznaŭstvie, pryhožyja paštoŭki, kanvierty i kalendary. Zapłanavany taksama ceły marafon prezientacyj i sustreč, jaki startuje ŭžo zaŭtra.
U piatnicu, 2 sakavika, ad 13-j da 15-j hadziny adbudziecca aŭtohraf-siesija Andrusia Horvata z nahody vychadu knihi «Radziva Prudok». Miž inšaha, vydańnie atrymała niekalki prestyžnych litaraturnych premij i šmat pazityŭnych vodhukaŭ ad čytačoŭ, a nakład dadrukoŭvaŭsia trojčy! Kali chočacie daviedacca, dzie znajści sapraŭdny biełaruski kosmas, jak viarnucca da karanioŭ, nie zhubić babuliny apoviedy i, što najvažniejšaje, stać svaim dla samoha siabie — prychodźcie pahutaryć z aŭtaram hetaha nadzvyčaj cikavaha dziońnika. Budzie ŭtulna!
U hety ž dzień ad 16-j da 18-j hadziny Źmicier Sańko prezientuje zbornik biełaruskich narodnych zahadak «Chto adhadaje?» Viasiołaj i zahadkavaj stanie letniaja vandroŭka kožnaha, chto zachopić hetuju knihu ŭ darohu. Nie palanujciesia zavitać na stend i nabyć jaje! Taksama ŭ miežach imprezy možna budzie paznajomicca ź cikavym vydavieckim prajektam, nakiravanym na papularyzacyju biełaruskaj movy i pavyšeńnie kultury movy, — «A jak pa-biełarusku?» Jon adrasujecca ŭsim, chto imkniecca da čyścini svajoj havorki, da vobraznaści i trapnaści ŭ štodzionnym maŭleńni. U sieryju vydańniaŭ uvajšli daviednik-minimum «A jak pa-biełarusku? Prymaŭki, prykazki, fraziemy», adnajmiennaja listoŭka, a taksama kišenny daviedničak «125 papularnych vysłoŭjaŭ».
U subotu, 3 sakavika, ad 13-j da 16-j hadziny vydaviectva zaprašaje na aŭtohraf-siesiju Uładzimira Lakina — aŭtara knihi «Lićviny ŭ hvardyi Napaleona». Paśla paśpiachovaj prezientacyi ŭ Akademičnaj biblijatecy i na vystavie histaryčnaj knihi ŭ Varšavie hetaje vydańnie, uhanaravanaje sioleta Dypłomam I stupieni na Nacyjanalnym konkursie «Mastactva knihi», prapanujecca ŭvazie šyrokaj publiki. Jano ŭpieršyniu na biełaruskaj movie apaviadaje pra našych prodkaŭ, naradžencaŭ Vialikaha Kniastva Litoŭskaha, jakija słužyli ŭ hvardziejskaj kavaleryi Napaleona. Maładyja ludzi apynulisia ŭ adnym šychcie pad impieratarskimi arłami z adnoj metaj: viarnuć niezaležnaść Radzimie. Vialikuju cikavaść vyklikaje dadatak: karotkija bijahrafičnyja źviestki pra bolš za tysiaču našych suajčyńnikaŭ-hvardziejcaŭ. Šmat chto z dapytlivych čytačoŭ paznaje siarod ich svaich pradziedaŭ.
Ščyra zaprašajem!
NVK «Technałohija» UNP 100008965
