Kańkabiežac z Paŭnočnaj Karei ŭpaŭ padčas zabiehu, dy jašče chacieŭ pavalić japonskaha kankurenta VIDEA
17-hadovaha spartoŭca ŭ vyniku dyskvalifikavali.
20 lutaha ŭ Pchiončchanie prajšli spabornictvy pa šort-treku ŭ dystancyi na 500 mietraŭ. U ich udzielničaŭ paŭnočnakarejski atlet Jonh Kvan-bom (Jong Kwang-bom): spartsmiena zaprasili na Alimpijadu paśla pieramovaŭ KNDR i Paŭdniovaj Karei, piša tjournal.ru
Padčas pieršaha startu Kvan-bom paśpieŭ prajechać tolki niekalki mietraŭ, paśla čaho straciŭ raŭnavahu. Padčas padzieńnia jon zrabiŭ ruch rukoj, byccam sprabavaŭ schapić za kaniok japonskaha spartsmiena Ryasukie Sakazumie (Ryosuke Sakazume).
ショートトラック競技で日本選手をコケさせようとする北朝鮮選手 pic.twitter.com/yAMlmNrGVq
Sudździ vyrašyli pačać honku nanoŭ. Ale paŭtorny start nie dapamoh atletu z KNDR — praz paŭkoła jon sutyknuŭsia z tym ža Sakazumie i znoŭ hrymnuŭsia na lod. Jonha Kvan-Boma dyskvalifikavali za niebiaśpiečny manieŭr. Pa dadzienych USA Today, 17-hadovy kańkabiežac za dva zabiehi prabyŭ na lodzie biez padzieńniaŭ tolki niekalki siekund.
U sacsietkach zajavili, što paŭnočnakarejec naŭmysna pasprabavaŭ vyvieści z honki kankurenta. Adnak Sakazumie paśla zajezdu vykazaŭ zdahadku, što ruch rukoj byŭ usio ž nienaŭmysny. Kvan-bom admoviŭsia razmaŭlać sa ŚMI.
Sočym za Alimpijadaj razam z bukmiekierskaj kantoraj Marafon
