Biare šlub u 28 hod, pracuje ŭ sielskaj haspadarcy i kurjeram — jaki jon, siaredniestatystyčny biełaruski mužčyna?
Biełstat padrychtavaŭ dadzienyja pra biełaruskich mužčyn, jakich na pačatak hoda ŭ kraina naličvałasia 4 422 000, ci 46,6 % ad ahulnaj kolkaści nasielnictva.
U asnoŭnym, usie jany žyvuć u horadzie, kožny piaty — u Minsku.
Fota Siarhieja Hudzilina, ilustratyŭnaje.
Ni adna ź śfier dziejnaści nie abychodzicca biez mužčynskaha ŭdziełu, zastajecca vysokim ŭzrovień zaniataści mužčyn u pracazdolnym uzroście (80,4%). Siaredni ŭzrost rabotnikaŭ składaje 40,2 hoda.
Pieravažna «mužčynskimi» źjaŭlajucca takija vidy dziejnaści, jak «budaŭnictva», «transpartnaja dziejnaść, składavańnie, paštovaja i kurjerskaja dziejnaść», «sielskaja haspadarka», «pramysłovaść», «infarmacyja i suviaź».
U 2017 hodzie ŭ šlub ŭstupiła 66,2 tys. mužčyn, pry hetym upieršyniu — 47 tysiač. Kožny treci mužčyna, jaki zaklučyŭ šlub, znachodziŭsia va ŭzroście 25-29 hadoŭ, kožny čaćviorty — va ŭzroście 20-24 hadoŭ.
Siaredni ŭzrost ustupańnia ŭ pieršy šlub skłaŭ 27,9 hoda, paŭtorny — 41,2 hoda.