Vybary nie adbylisia tolki pa adnoj akruzie, bo praŭładnaha kandydata-kamunista aryštavali
Centralnaja vybarčaja kamisija apublikavała vyniki pa vybarach deputataŭ u miascovyja saviety. 18 lutaha byli abranyja 18110 deputataŭ roznych uzroŭniaŭ.
Nie adbylisia vybary tolki ŭ adnoj akruzie. Nie byŭ abrany deputat u Jelski rajonny saviet (Homielskaja vobłaść) pa Savieckaj akruzie №3. Usie tryccać akruhaŭ u Jelsku byli biezalternatyŭnymi. Adzin kandydat — adzin mandat.
Pa Savieckaj akruzie №3 bałatavaŭsia dyrektar Jelskaj meblevaj fabryki Vital Vasilonak. Jamu 34 hady, źjaŭlajecca siabram aficyjnaj Kamunistyčnaj partyi. Na vybary vyłučaŭsia ad pracoŭnaha kalektyva, a nie ad partyi.
Vital Vasilonak. Fota serdtse.by.
U vyniku adnosna Vasilonka staić nastupnaja infarmacyja: «Pracoŭny kalektyŭ admianiŭ rašeńnie pa vyłučeńniu kandydata ŭ deputaty». Z čym heta źviazana?
Akazałasia, što padčas vybarčaj kampanii Vasilonak byŭ zatrymany siłavymi strukturami i ciapier znachodzicca ŭ SIZA.
Ciapier pa Savieckaj akruzie ŭ Jelsku pavinny adbycca pieravybary. Heta adziny precedent u krainie.
