Staražytnaja mova, unikalnyja tradycyi — padarožža ŭ viosku Lelikava na Kobrynščynu VIDEA
Prahrama «Viaskoŭcy» telekanała «Biełsat» adčyniaje ŭsio novyja dźviery ŭ biełaruskich sieliščach. Niaŭrymślivaha viadoŭcu Viktara Šukiełoviča los zavioŭ u viosku Lelikava ŭ Kobrynskim rajonie da viaskovaha paeta, jaki ŭ zvyčajnym sšytku składaje ŭnikalny słoŭnik rodnaj havorki.
Z hetaj pracy, da prykładu, možna daviedacca, chto taki «bambuła» i što «bandziuha» — heta zusim nie čałaviek. Viadoŭca sam vučyŭsia havaryć pa-miascovamu, a potym zładziŭ ispyt dla samaha maładoha pakaleńnia lelikaŭcaŭ na viedańnie daŭniejšych słoŭ. Jak dzieci spravilisia z zadańniem i ci razumiejuć jany kolišnija vyrazy — pra heta hladzicie ŭ vydańni.
A haspadynia chaty — zachavalnica ŭnikalnaha stroju paleskaj svachi, vybitnaja piavuńnia i znaŭca daŭnich tradycyj — sama zładziła šerah vyprabavańniaŭ dla Viktara: zadała niekalki starych viasielnych zahadak i zaachvociła da hulni «ŭ žučka». Viktar pry nahodzie vyśvietliŭ, što rabiła svaćcia, kali bačyła niedachop pačastunkaŭ na viasielli, dy čamu nasiła pieŭnievaje pierje ŭ hałaŭnym ubory. Usio heta i šmat inšaha — u novym vydańni «Viaskoŭcaŭ».
Prahramu «Viaskoŭcy» hladzicie kožnuju sieradu a 18:35 na telekanale «Biełsat» praz spadarožnik «Astra 4A» (raniejšaja nazva «Sirius 4»), a taksama anłajn.
