Troje mužčyn zahinuła ŭ połymi na budoŭli pad Minskam
Try čałavieki zahinuli na pažary ŭ noč z 10 na 11 lutaha na budoŭli doma ŭ vioscy Prudzišča Minskaha rajona, paviedamlaje USK pa Minskaj vobłaści.
«Śledčymi sumiesna z ekśpiertami praviedzieny ahlad miesca zdareńnia i abstanoŭki, kanfiskavanyja abjekty i pažarnaje śmiećcie. Cieły troch mužčyn z šyrokimi termičnymi paškodžańniami byli znojdzienyja ŭ pamiaškańni kuchni na pieršym paviersie, jaki maje aciaplalnuju pieč. Vyjaŭlena, što adzin z zahinułych — plamieńnik haspadara doma — 41-hadovy žychar Minska, jaho zakryty aŭtamabil byŭ pryparkavany na ŭčastku», — raspaviali ŭ viedamstvie.
Papiaredniaje zaklučeńnie sudova-miedycynskaj ekśpiertyzy śviedčyć ab tym, što pryčynaj śmierci ŭsich troch stała atručvańnie ŭharnym hazam. «Źviestak ab kryminalnym charaktary śmierci ŭ chodzie pieršapačatkovych śledčych dziejańniaŭ nie vyjaŭlena», — adznačajuć va USK.
Zaraz vyśviatlajucca asoby dvuch zahinułych, pryčyny pažaru i inšyja abstaviny zdareńnia. Śledstvam pryznačanyja hienietyčnyja, sudova-miedycynskija, a taksama pažarna-techničnaja ekśpiertyzy. Ich praviadzieńnie daručana ekśpiertam upraŭleńnia Dziaržaŭnaha kamiteta sudovych ekśpiertyz pa Minskaj vobłaści.
Ułaśnik doma pražyvaje za miežami krainy.
Śledstva źviartajecca z prośbaj da hramadzian, jakija vałodajuć jakoj-niebudź infarmacyjaj ab zdareńni, paviedamić pra heta pa telefonach 8 (017) 302-51-81, 8 (017) 302-53-46, 8 (017) 302-51-89 albo źviarnucca ŭ Minski RASK pa adrasie: h. Minsk, vuł. Skryhanava, 4.
