Saakašvili paabiacaŭ nie prasić palityčnaha prytułku ŭ Polščy
Były prezident Hruzii, lidar partyi «Ruch novych sił» Michaił Saakašvili zajaviŭ, što nie budzie prasić palityčnaha prytułku ŭ Polščy. Pra heta jon raspavioŭ u efiry telekanała NewsOne, piša RBK
«Ja razmaŭlaŭ z kiraŭnictvam Ministerstva ŭnutranych spraŭ, jany mnie telefanavali, kali ja prybyŭ u aeraport. Prasić u Polščy palityčnaha prytułku ja nie budu», — skazaŭ palityk. Jon dadaŭ, što ŭ ciapierašni čas znachodzicca pad achovaj polskaj palicyi.
Akramia taho, Saakašvili prakamientavaŭ mahčymuju ekstradycyju z Polščy ŭ Hruziju: «Jak kažuć u Adesie, nie śmiašycie maje tapki. Hetaja ŭłada ŭ Hruzii baicca mianie jak čort ładanu. Kali b jany chacieli ekstradavać mianie, jany b zrabili heta jašče ŭčora».
Saakašvili dadaŭ, što ŭ Hruzii i Ukrainy niama suprać jaho surjoznych abvinavačvańniaŭ.
Napiaredadni vajskoŭcy Dziaržpahransłužby Ukrainy zatrymali Saakašvili ŭ adnym z hruzinskich restaranaŭ u Kijevie. Paśla hetaha jaho departavali z Ukrainy ŭ Polšču za parušeńnie mihracyjnaha zakanadaŭstva. U vieraśni 2017 hoda Saakašvili pry padtrymcy svaich prychilnikaŭ prarvaŭsia z Polščy na Ukrainu.
