Zaparožski aŭtazavod moža całkam spynić vytvorčaść

Kijeŭskaja karparacyja «UkrAŭta» hatovaja zakansiervavać vytvorčaść na Zaparožskim aŭtamabilebudaŭničym zavodzie (ZAZ), paviedamlaje «Hromadśkie».

ZAZ šukaje lubyja zakazy, u tym liku na vypusk nieprofilnaj pradukcyi. Zavod taksama pravodzić pieramovy ab pačatku zborcy traktaroŭ paŭdniovakarejskaj firmy LS. Kali finansavaje stanovišča pradpryjemstva nie palepšycca ŭ bližejšy čas, adzinym vychadam budzie kansiervacyja vytvorčaści i spynieńnie isnavańnia va Ukrainie aŭtamabilebudaŭničaj haliny jak takoj.

U studzieni 2018 hoda zapazyčanaść zavoda dasiahnuła $ 134 miljonaŭ. Na zavodzie pracujuć 1350 čałaviek, za 2017 hod było vyrablena ŭsiaho 1674 mašyny, u toj čas jak jašče ŭ 2008 hodzie ZAZ vyrabiŭ 258 tysiač aŭto.

0

0

0

0

0

0