U Biełarusi z nazvy rasijskaha filma prybrali zhadki pra Krym
Siońnia ŭ prakat vyjšła rasijskaja kamiedyja «Žančyny suprać mužčyn: Krymskija vakacyi». Praŭda, u Biełarusi film atrymaŭ nazvu «Žančyny suprać mužčyn 2». Druhoj častki ab «krymskich vakacyjach» niama jak u afišach, tak i ŭ naźvie stužki, paviedamlaje Tut.by.
Prakatčykam filma ŭ Biełarusi źjaŭlajecca UP «Kinavideaprakat». Pieršy namieśnik hienieralnaha dyrektara Andrej Razžavajkin rastłumačyŭ, što damova z pravaŭładalnikam u «Kinavideaprakatu» zaklučana mienavita na film «Žančyny suprać mužčyn 2» (choć havorka i idzie pra adzin i toj samy film).
— Heta nazva prapisana ŭ nas u dahavorach, tamu my jaje ŭsiudy vykarystoŭvajem, — rastłumačyŭ Razžavajkin. — Pad jakim nazovam film vychodzić na terytoryi Rasii, ja nie viedaju, nie sačyŭ.
U kinakampanii Fresh-Film, jakaja vyrabiła film, raspaviadajuć, što prystaŭka «krymskija vakacyi» sapraŭdy jość u naźvie filma. Adnak rasijski prakatčyk ŭ rekłamnych metach moh źmianić jaho na «druhaja častka» abo «častka dva», kab hladač razumieŭ: havorka idzie pra praciah karciny «Žančyny suprać mužčyn», jakaja vyjšła ŭ 2015 hodzie.
Źviazacca z rasijskim prakatčykam Tut.by nie ŭdałosia.