I tut słužbovaja sabaka Hierda paŭtorna ŭziała śled: chłopiec abakraŭ carkvu ŭ Babry
U noč na 6 lutaha byŭ ździejśnieny kradziož z pravasłaŭnaha chrama ŭ pasiołku Bobr (Krupski rajon). Milicyja pa haračych śladach zatrymała padazravanaha. Pra heta paviedamlaje UUS Minabłvykankama.
Słužbova-vyšukovaja sabaka Hierda adździeła Departamienta achovy ŭziała śled, ale jon zhubiŭsia la pieršaj ža bujnoj darohi.
Paralelna pracavali supracoŭniki kryminalnaha vyšuku. Mienavita da ich pastupiła infarmacyja ab tym, što niadaŭna la adnaho z damoŭ pasiołka byŭ zaŭvažany padazrony niemiascovy mužčyna z torbami. Na miesca vyjechali apieratyŭniki. Nieznajomca zatrymać užo nie paśpieli, zatoje znajšlisia jaho ślady.
Hierda znoŭ uziała śled, na hety raz užo bolš upeŭniena. Hrupa ŭśled za sabakam išła da ŭskrainy pasiołka. Užo na poli milicyjanty ŭbačyli fihuru čałavieka ź ciažkimi torbami. Mužčyna ruchaŭsia ŭ kirunku vioski Plisa. Nieŭzabavie jaho zatrymali. U jaho torbach byli znojdziena skradzienaje — carkoŭnyja rečy i budaŭničyja instrumienty.
