U Krasnajarsku pasažyry dźvie hadziny čakali vylet pry minus 16 z-za prylotu Pucina
U Krasnajarsku «Boinh-737» avijakampanii «Pobieda» razam z pasažyrami dźvie hadziny prastajaŭ z adčynienymi dźviaryma, pakul aeraport «Jemialjanava» čakaŭ pryziamleńnia samalota prezidenta Uładzimira Pucina. Pra heta pasažyr hetaha rejsa Hryhoryj Skarčanka raspavioŭ «Radio Svoboda».
Pavodle jaho słoŭ, častku pasažyraŭ aŭtobusam davieźli da samalota, druhuju hrupu vyvieźci z aeraporta jašče nie paśpieli, kali kamandzir ekipaža abviaściŭ, što ŭ suviazi z prybyćciom aficyjnych asob aeraport začynili.
«Litaralna praź niekalki chvilin kamandzir abviaściŭ, što ŭ suviazi z prybyćciom aficyjnych asob (choć pieršy raz, zdajecca, jon navat Pucina nazvaŭ kankretna, potym kazaŭ tolki «aficyjnyja asoby») aeraport začynili, pryčym začynieny navat dla supracoŭnikaŭ aeraporta, jakich nie puskajuć na pieron. Tamu, skazaŭ jon, my nie možam začynić dźviery ŭ samalot, bo niama kamu prybrać trapy. Heta byli zvyčajnyja trapy, samalot abstalavany dvuma vychadami, abodva jany zastalisia adkrytymi, byŭ skraźniak.
Na vulicy było -16, nie tak užo i chałodna, nam pašancavała», — raspavioŭ Skarčanka.
Čakańnie z adkrytymi dźviaryma zaniało ŭ ahulnaj składanaści dźvie hadziny. Vypuskać rejsy z Krasnajarska pačali ŭžo paśla taho, jak aeraport pryniaŭ usie zatrymanyja rejsy. Aciapleńnie ŭ hety čas nie ŭklučali. Ab čakańni Skarčanka taksama napisaŭ u fejsbuku.
Pa słovach pasažyra, u pačatku supracoŭnik aeraporta zajšoŭ u sałon i «začyniŭ usie iluminatary ź levaha boku», ničoha nie tłumačačy.
«Taki ździek ź ludziej — heta sapraŭdnaje śvinstva, a kiraŭnik dziaržavy tak pakazvaje svajo hrebavańnie da ŭsich hramadzian. Heta brydka, heta źnievažalna», — napisaŭ Skarčanka ŭ «Fejsbuku».
«Jak reahavali ludzi ŭ samalocie? Na kampaniju nichto nie łajaŭsia, chtości prosta maŭčaŭ, a chtości łajaŭ ułady, skažam tak», — raspavioŭ jon «Svabodzie».
Usiaho 7 lutaha pa pryčynie prylotu pieršaj asoby byli zatrymanyja siem rejsaŭ prykładna na hadzinu.
