16 lutaha prajezd u hramadskim transparcie Vilni budzie biaspłatnym
16 lutaha ŭ 100-hodździe adnaŭleńnia Litoŭskaj dziaržavy prajezd u hramadskim transparcie stalicy budzie biaspłatnym, takoje rašeńnie pryniała staličnaja rada, piša Delfi.lt
Pa słovach mera Vilni Remihijusa Šymašusa, heta budzie kaštavać biudžetu 29 000 jeŭra — na takuju sumu ŭ śviatočnyja dni zvyčajna kuplajuć kvitki na prajezd. Jon padkreśliŭ, što biaspłatny prajezd važny tym, što niemałaja častka stajanak u centry stalicy budzie zakryta z-za mierapryjemstvaŭ.
Pa słovach Šymašusa, śviatočnyja mierapryjemstvy pačnucca z samaj ranicy i buduć doŭžycca da viečara, tamu meryja choča, kab u žycharoŭ była mahčymaść udzielničać u mierapryjemstvach «nie abmiažoŭvajučy siabie z-za vydatkaŭ na transpart».
Vilnia — nie pieršy horad u krainach Bałtyi, jaki prapanuje padobnuju inicyjatyvu — 18 listapada 2017 hoda ŭ nahody 99-hodździa adnaŭleńnia Łatvijskaj dziaržavy prajezd u Ryzie byŭ biaspłatnym.
