16 лютага праезд у грамадскім транспарце Вільні будзе бясплатным
16 лютага ў 100-годдзе аднаўлення Літоўскай дзяржавы праезд у грамадскім транспарце сталіцы будзе бясплатным, такое рашэнне прыняла сталічная рада, піша Delfi.lt
Па словах мэра Вільні Рэмігіюса Шымашуса, гэта будзе каштаваць бюджэту 29 000 еўра — на такую суму ў святочныя дні звычайна купляюць квіткі на праезд. Ён падкрэсліў, што бясплатны праезд важны тым, што немалая частка стаянак у цэнтры сталіцы будзе закрыта з-за мерапрыемстваў.
Па словах Шымашуса, святочныя мерапрыемствы пачнуцца з самай раніцы і будуць доўжыцца да вечара, таму мэрыя хоча, каб у жыхароў была магчымасць удзельнічаць у мерапрыемствах «не абмяжоўваючы сябе з-за выдаткаў на транспарт».
Вільня — не першы горад у краінах Балтыі, які прапануе падобную ініцыятыву — 18 лістапада 2017 года ў нагоды 99-годдзя аднаўлення Латвійскай дзяржавы праезд у Рызе быў бясплатным.
