Kolki miedaloŭ voźmie Biełaruś na Alimpijadzie?
9 lutaha ŭ paŭdniovakarejskim Pchiončchanie startujuć XXIII Zimovyja Alimpijskija hulni. Užo ŭ siomy raz Biełaruś voźmie ŭdzieł u spabornictvach u jakaści asobnaj dziaržavy.
U 1994-m u Lilichamiery ŭ skarboncy našaj kamandy było dva srebnyja miedali (kańkabiežac Ihar Žalazoŭski i bijatłanistka Śviatłana Paramyhina). Alimpijada-1998 pryniesła bronzavyja miedali frystajlistu Dźmitryju Daščynskamu i bijatłanistu Alaksieju Ajdaravu.
Hulni-2002 u Sołt-Łejk-Sici zapomnilisia nie tolki bronzaj Alaksieja Hryšyna ŭ frystajle, ale i bliskučaj hulnioj chakieistaŭ, jakija zaniali čaćviortaje miesca. Turyn-2006 prynios Biełarusi adno srebra — u asobie frystajlista Dźmitryja Daščynskaha.
Alimpijskija hulni ŭ Vankuviery stali histaryčnymi dla Biełarusi. Pieršy załaty miedal dla našaj krainy zavajavaŭ frystajlist Alaksiej Hryšyn. Niečakanym srebram adznačyŭsia bijatłanist Siarhiej Novikaŭ, a maładaja Darja Domračava zmahła ŭziać bronzu.
Narešcie, minułaja Alimpijada ŭ Sočy stała samaj paśpiachovaj dla našaj krainy. Bliskučaja Darja Domračava ŭziała až try załatyja miedali! Jašče pa adnym kruhlašy najvyšejšaj proby ŭ Minsk pryvieźli frystajlisty Anton Kušnier i Ała Cupier. A była ž jašče bronza ŭ bijatłonie ad Nadziei Skardzina.
U Pchiončchan adpraviłasia 33 biełaruskija spartsmieny, jakija vystupiać u šaści vidach sportu. Našy atlety buduć pradstaŭlenyja ŭ bijatłonie, frystajle, hornych łyžach, kańkabiežnym sporcie, łyžnych honkach i šort-treku.
Bukmiekierskaja kantora «Marafon» aceńvaje šancy biełarusaŭ na zavajavańnie chacia b adnaho załatoha miedala prykładna 50 na 50.
Kali vy vierycie, što biełaruski spartsmien padymiecca na najvyšejšuju prystupku pjedestała — hrošy možna pavialičyć u 1.85 razoŭ (u vypadku pośpiechu). Adpaviedna, kaeficyjent na toje, što zbornaja Biełarusi vierniecca dadomu biez adzinaha załatoha miedala, — 1.95.
Pra pierśpiektyvy našych spartsmienaŭ u Paŭdniovaj Karei my parazmaŭlali z alimpijskim ahladalnikam sajta by.tribuna.com Vadzimam Knyrko. Varta adznačyć, što Vadzim dastakova ŭpeŭnieny ŭ dobrych pierśpiektyvach biełarusaŭ.
«U mianie jość dva scenary raźvićcia padziej: 1. Miedali voźmuć tyja, ad kaho ich čakajuć, — Domračava i Kušnier. 2. Strelić niechta ź nievidavočnych favarytaŭ», — kaža Vadzim.
Na dumku ekśpierta, miedaloŭ ad Domračavaj možna čakać dzie zaŭhodna: sprynt, pahonia, masstart. Chiba što sioleta jana nie brała ŭznaharod u samaj doŭhaj honcy — indyviduałcy.
«Pa siezonie bačna, što Domračava na hałavu macniejšaja za astatnich atletak. Kali raniej jana časta pieramahała vyklučna praz svaju chutkaść, to ciapier moža brać i taktykaj. Ja spadziajusia, što Darja moža prynieści Biełarusi 1—2 załatyja miedali», — kaža Knyrko.
Niakiepska aceńvajucca pierśpiektyvy biełarusak i ŭ estafiecie. «Pa sutnaści, my majem traich vysakakłasnych atletak: Domračava, Skardzina i Kryŭko. Usie jany ŭžo navat sioleta brali miedali na etapach Kubka śvietu. Tonkaj źjaŭlajecca čaćviortaja pazicyja. Pahladzim, na kaho zrobić staŭku trenier: na Pisaravu ci bolš maładuju Alimbiekavu».
Siarod inšych favarytaŭ Knyrko nazyvaje ŭkrainak, jakija majuć siaścior Siemiarenka i Juliju Džymu, maładych francuzak, a taksama niemak ź vielmi mocnaj Dalmajer i byłoj łyžnicaj Chierman.
Šyroki śpis i kankurentak Domračavaj za ŭznaharody ŭ asobnych honkach — heta i finka Kajsa Makarajnien, i słavačka Kuźmina, i ŭžo nazvanaja niemka Dalmajer.
Bukmiekierskaja kantora Marafon prapanuje nastupnyja kaeficyjenty na pieramohu Darji Domračavaj:
6.0 — pieramoha Darji Domračavaj u spryncie (10 lutaha)
7.5 — pieramoha Darji Domračavaj u indyvidualnaj honcy (14 lutaha)
7.0 — pieramoha Darji Domračavaj u mas-starcie (17 lutaha)
31.0 — pieramoha biełaruskich bijatłanistak u estafiecie (22 lutaha)
«Što tyčycca pryjemnych siurpryzaŭ, to ich možna čakać ad kańkabiežki Maryny Zujevaj. Jana ŭžo zajmała miescy ŭ top-6 na etapach Kubka śvietu. Viadoma, Alimpijada — heta zusim inšy start i matyvacyja, ale pry dobrym źbiehu abstavin ad Maryny možna čakać miesca ŭ pieršaj vaśmiorcy na jaje karonnaj dystancyi ŭ 3000 mietraŭ. Darečy, pazaŭzieć za Zujevu možna budzie ŭžo na druhi dzień Alimpijady», — kaža Knyrko.
Maryna Zujeva. Fota mlyn.by.
Taksama ekśpiert kaža, što vialikich pośpiechaŭ nie čakajuć ad Nadziei Skardzina, ale jana zdolnaja pakazać dobry vynik u indyvidualnaj honcy, jakuju ŭžo vyjhravała ŭ hetym siezonie.
Ź cikavaściu možna nazirać za ŭsioj trojkaj frystajlistak, jakija pradstaviać Biełaruś: Hanna Huśkova, Alaksandra Ramanoŭskaja i Ała Cupier. «Čatyry hady nazad taksama nichto nie čakaŭ navat miedaloŭ, nie toje što «zołata» ad Cupier. Ciapier siurpryz moža padnieści Huśkova, jana moj favaryt siarod frystajlistak».
Pryhožaja historyja z łyžnikam Siarhiejem Dalidovičam, jaki źbiraŭ hrošy na ŭdzieł u Alimpijadzie praz kraŭndfandynh. Karonnaja dystancyja Siarhieja — heta 50 km. Projdzie honka ŭ pieradapošni dzień Hulniaŭ. Pry dobrych raskładach biełarus moža začapicca za dziasiatku.
Na žal, nie budzie pradstaŭlena naša kamanda na chakiejnym turniry. Ale chakiej zaŭsiody ličycca samym prestyžnym spabornictvam Alimpijady. Kaho možna ličyć favarytam hetaha turnira? Vadzim Knyrko ŭpeŭnieny, što najpierš «zbornuju spartsmienaŭ Rasii» i Šviecyi.
«U Rasii robicca vielmi vialikaja staŭka, kab narešcie pieramahčy ŭ Alimpijadzie, možna skazać, što kinutyja ŭsie siły. Cikava budzie zirnuć na minułych pieramožcaŭ Alimpijady z Kanady, jakija buduć pradstaŭlenyja hulcami nie z NCHŁ, a ź jeŭrapiejskich čempijanataŭ. Niadaŭna kanadcy pravodzili sparynh ź biełarusami, dzie pieramahli ŭsiaho tolki 2:0. Na maju dumku, kanadcy mohuć astupicca navat u čverćfinale».
Analityki bukmiekierskaj kantory «Marafon» taksama ličać zbornuju spartsmienaŭ Rasii hałoŭnym favarytam chakiejnaha turniru (mužčyny). Pieramoha zbornaj Rasii aceńvajecca kaeficyjentam 2 roŭna. Dla paraŭnańnia, kaeficyjent na pieramohu šviedaŭ — 5.0. Taki ž kaeficyjent i na kanadcaŭ.
Alimpijada skončycca 25 lutaha, ahułam na joj budzie razyhrana 102 kamplekty miedaloŭ.
Tekst padrychtavany pry padtrymcy bukmiekierskaj kantory «Marafon».
