Stała viadoma, dzie i kali ŭ Minsku pierapachavajuć pareštki znakamitaj miecenatki Mahdaleny Radzivił
U subotu 17 lutaha a 10-j u minskaj parafii Najśviaciejšaj Trojcy (sv. Rocha na Załatoj Horcy) adbudziecca pierazachavańnie pareštak Mahdaleny Radzivił.
Miecenatka i kulturny dziejač Maryja Mahdalena Radzivił u svoj čas akazvała finansavuju padtrymku vydaviectvu «Zahlanie sonca i ŭ naša akonca», haziecie «Biełarus», špitalam, sielskim kramam i hetak dalej. U 1917 hodzie jana achviaravała dyjamientavaje kalje na zasnavańnie biełaruskaj hreka-katalickaj kalehii ŭ Rymie — hrošy byli pieradadzieny ajcam maryjanam u Drui.
Jak raskazaŭ Catholic.by probašč parafii ks. Juryj Sańko, urna z pareštkami Mahdaleny Radzivił budzie vystaŭlena dla raźvitańnia ŭ kaściole viečaram 16 lutaha.
Pavodle jaho słoŭ, pareštki buduć pierazachavanyja ŭ levaj častcy śviatyni. Na tym miescy budzie ŭstalavana pamiatnaja šylda i bareljef u honar słavutaj miecenatki.
Na ŭračystaść prybuduć Maciej i Mikałaj Radziviły, a taksama praŭnučka Mahdaleny Radzivił — Marylena Zamojskaja.
Čytajcie taksama:
Aleś Sapieha adšukaŭ u Łondanie ŭnikalnyja FOTY i listy Mahdaleny Radzivił
Piać pryčyn, čamu biełarusy pavinny hanarycca miecenatkaj Mahdalenaj Radzivił
