Fiestyval mabilnaha kino velcom Smartfilm: dźvie ŭznaharody ŭ «Jahora» pa Andrusiu Horvatu, hran-pry — u filma z ZŠA
31 studzienia adbyłasia cyrymonija zakryćcia 7-ha fiestyvalu mabilnaha kino velcom Smartfilm. U hetym hodzie fiestyval pastaviŭ novyja rekordy: u im uziali ŭdzieł 311 rabot (77 ź ich — biełaruskija), a hieahrafija pašyryłasia da 51 krainy śvietu. U šort-list prafiesijnaha žury ŭvajšli raboty ź Biełarusi, Vialikabrytanii, Aŭstryi, Indyi, Rumynii, ZŠA i Francyi. Hran-Pry fiestyvalu atrymała karcina «Interjery i eksterjery» (ZŠA). Uznaharodu narodnaha žury i śpiecyjalny pryz ad velcom atrymaŭ film «Jahor» (Biełaruś), stvorany akciorami Kupałaŭskaha teatra.
Na cyrymonii zakryćcia ŭ zale VOKA kinateatra velcom cinema byli pakazany najlepšyja raboty velcom Smartfilm, a zatym abvieščany pieramožcy. Los Hran-pry i troch pieršych miescaŭ u konkursie vyznačała prafiesijnaje žury, u skład jakoha ŭvajšli kinaznaŭca, dyrektar prahramy hulniavoha kino fiestyvalu «Listapad» Ihar Sukmanaŭ, kinaanalityk i kulturołah Maksim Žbankoŭ, kinaznaŭca i kinakrytyk Anton Sidarenka, režysior Mitryj Siamionaŭ-Alejnikaŭ, kinakrytyk Hanna Jafremienka i pradziusier Leanid Kalicienia.
Uładalnikam Hran-Pry konkursu velcom Smartfilm pryznana karcina «Interjery i eksterjery» (Interiors / Exteriors) režysiora Ašyka Mastafy (ZŠA). Źniaty adnym kadram dakumientalny film ab zakančeńni namaza niedzie ŭ Banhładeš zavajavaŭ adnadušnuju simpatyju bolšaści členaŭ žury. U jakaści ŭznaharody pieramožca byŭ udastojeny hrašovaha pryza — 3000 rubloŭ, a taksama pamiatnaj statuetki velcom Smartfilm. Z hetaha hoda ŭ fiestyvala źjaviŭsia svoj ułasny admietny simvał, jaki padkreślivaje mižnarodny status forumu.
I&Ex Trailar from Rubaiyat Hossain on Vimeo.
1-je miesca žury prysudziła muzyčnamu filmu «Doŭhaja historyja koratka» (Long Story Short), stvoranamu režysioram Andrejem Ołaniesku z Rumynii. Za 9 chvilin z vykarystańniem pryjomu admysłovaj makrazdymki film raspaviadaje trahičnuju historyju kachańnia… ślimakoŭ.
2-je miesca atrymała rabota «Prymat» (Ape) režysiora Noja Danbara ź Vialikabrytanii. Hety satyryčny chorar vykazvaje pratest suprać usieahulnaj niepryjaznaści adzin da adnaho, jakaja stała asabliva mocnaj u epochu ličbavych technałohij.
3-je miesca zaniaŭ film aŭstryjskaha režysiora Majkła Chołciera «Jak raz svoječasova» (Just in time). Heta praca pakazvaje, što moža zdarycca, kali ślepa daviarać svajo žyćcio sistemie kiravańnia dadzienymi.
Novaŭviadzieńniem 7-ha fiestyvalu velcom Smartfilm stała toje, što mahčymaść vybrać ułasnaha pieramožcu była dadziena ŭsim kinaznaŭcam. Narodnaje žury pad staršynstvam kinaahladalnika Tarasa Tarnalickaha sfarmiravałasia ŭ chodzie fiestyvalu i vyznačyła ŭłasny šort-list z 10 rabot, 8 ź jakich pradstaŭlali Biełaruś. velcom Smartfilm arhanizavaŭ śpiecyjalny pakaz dla narodnaha žury, paśla zaviaršeńnia jakoha kožny jaho ŭdzielnik prahałasavaŭ za svajho favaryta.
Pryz narodnaha žury i fłahmanski smartfon atrymaŭ biełaruski film «Jahor» — ekranizacyja epizodu z knihi Andrusia Horvata «Radziva «Prudok». Dziońnik», stvoranaja Ramanam Padalakam i Michaiłam Zujem pry ŭdziele trupy Kupałaŭskaha teatra. «Jahor» byŭ udastojeny taksama śpiecyjalnaha pryza za najlepšy biełaruski film ad kampanii velcom. Jaho stvaralniki atrymali hadavuju padpisku na premijalny taryf «Kamfort 16+».
Taksama narodnaje žury pryznała kamiedyju «Nie» režysiora Ramana Sałachutdzinava (Rasija) pieramožcam u śpiecyjalnaj naminacyi «Niefarmat» — za film, niepadobny da inšych. Mienavita hetaja naminacyja pieramahła pa vynikach hałasavańnia ŭ sacyjalnych sietkach velcom.
Prahramu 7-ha fiestyvalu velcom Smartfilm dapoŭnili mierapryjemstvy dla ŭdzielnikaŭ konkursu i amataraŭ kino. U muziei «Kraina mini» adbyŭsia śpiecyjalny pakaz filma-pieramožcy fiestyvalu «Listapad-2017» «Zaŭtra» z udziełam režysiora Julii Šatun. Sapraŭdnaj padziejaj dla kinamanaŭ stała «Kinanoč» ad velcom Smartfilm z ekskluziŭnymi pakazami filmaŭ-pieramožcaŭ mižnarodnych fiestyvalaŭ. A da dnia biełaruskaha kino arhanizatary fiestyvalu zładzili pieršy ŭ Minsku mabilny kinakvest pa znakavych miaścinach biełaruskaha i zamiežnaha kiniematohrafa.
