«Saromiecca staroha niama čaho» — Łukašenka padkreślivaje asablivuju rolu KDB u biaśpiecy krainy
president.gov.by
Alaksandr Łukašenka padkreślivaje asablivuju rolu KDB u harantavańni biaśpieki krainy. Pra heta jon zajaviŭ siońnia na sustrečy sa staršynioj hetaha viedamstva Valeryjem Vakulčykam, paviedamlaje BiełTA.
«Nas mnohija krytykujuć, što my, jak retrahrady, pakinuli staruju nazvu KDB. Ale siońnia ŭžo mnohija, my tak publična nie abmiarkoŭvajem, ale pry abmierkavańni z maimi kalehami ja baču, što jany nam zajzdrościać. Zajzdrościać nie tamu, što my zachavali tradycyi. choć heta taksama vielmi važna. Nam saromiecca staroha niama čaho. Da nas pretenzii — da čekistaŭ — pradjavić ciažka. Pa-pieršaje, my byli častkaj sistemy, i tym nie mienš biazładździa ŭ nas u Biełarusi zaŭsiody było mienš. Tamu ja ščyra i adkryta pra heta skazaŭ — nam saromiecca niama čaho», — skazaŭ Alaksandr Łukašenka.
«Kamitet dziaržaŭnaj biaśpieki — heta samaja dakładnaja nazva ciapier, u sučasnym śviecie. Možna słužbami nazyvać, ale my z-za tych tendencyj, jakija ŭ śviecie adbyvajucca, zachavali, i heta vielmi aktualna, hetu nazvu. My harantujem dziaržaŭnuju biaśpieku pa ŭsich napramkach», - padkreśliŭ biełaruski kiraŭnik.
