U Biełarusi zabaranili jašče adzin telekanał
Raspaŭsiudžvańnie teleprahramy «RazTV» na terytoryi Biełarusi spyniena z 31 studzienia. Pra heta havorycca ŭ paviedamleńni Ministerstva infarmacyi.
«U suviazi z tym, što pa stanie na 30 studzienia 2018 hoda nivodny apieratar elektrasuviazi nie źviarnuŭsia ŭ Ministerstva infarmacyi za praciaham dazvołu na raspaŭsiud teleprahramy «RazTV», dadzienaja teleprahrama vyklučajecca sa śpisu zamiežnych ŚMI, što majuć dazvoł. Raspaŭsiudžvańnie nazvanaj teleprahramy na terytoryi krainy z 31 studzienia 2018 hoda źjaŭlajecca niedapuščalnym, u adpaviednaści z Zakonam Respubliki Biełaruś «Ab ŚMI», — havorycca ŭ paviedamleńni.
Viedamstva taksama źviartaje ŭvahu apierataraŭ elektrasuviazi na toje, što ŭ lutym zakančvajecca termin dziejańnia dazvołu na raspaŭsiud pradukcyi zamiežnaha ŚMI na terytoryi Biełarusi ŭ dačynieńni da teleprahramy Nautical Channel.