U bankamatach Biełarusbanka ciapier možna źniać hrošy patrebnymi kupiurami

Biełarusbank paviedamiŭ pra novy servis u bankamatach banka. Z 1 lutaha trymalniki bankaŭskich płaciežnych kartak mohuć samastojna vybirać naminał kupiur patrebnaj sumy.

Klijentu moža być prapanavana da 3 varyjantaŭ kampanoŭki nieabchodnaj sumy, u zaležnaści ad faktyčnaj najaŭnaści najaŭnych u bankamacie naminałaŭ na momant vydačy.

«Novy servis realizavany dla zručnaści našych klijentaŭ, jakija karystajucca najaŭnymi, — rastłumačyŭ dyrektar raźlikovaha centra płaciežnych kart banka Hienadź Šery. — Kamuści nieabchodna źniać peŭnuju sumu bujnymi kupiurami, a kamuści patrabujecca tolki nievialikaja suma na drobnyja vydatki».

0

0

0

0

0

0