Iłan Mask vyznačyŭ datu zapusku rakiety Falcon Heavy na Mars z čyrvonym roŭdsteram Tesla na borcie
Kiraŭnik kampanii SpaceX Iłan Mask paviedamiŭ, što pieršy zapusk ciažkaj rakiety-nośbita Falcon Heavy adbudziecca 6 lutaha. Pra heta jon napisaŭ u svaim Twitter, paviedamlaje RBK.
Aiming for first flight of Falcon Heavy on Feb 6 from Apollo launchpad 39A at Cape Kennedy. Easy viewing from the public causeway.
Pavodle jaho słoŭ, jana budzie zapuščanaja sa startavaj płatformy Kaśmičnaha centra imia Džona Ficdžeralda Kienedzi, jaki znachodzicca ŭ amierykanskim štacie Fłaryda.
Falcon Heavy nakirujecca na arbitu Marsa. U śniežni 2017 hoda Mask skazaŭ, što rakieta zmoža znachodzicca ŭ hłybokim kosmasie «na praciahu miljardaŭ hadoŭ abo kala taho, kali nie vybuchnie pry ŭźlocie». Taksama jon zajaviŭ, što na borcie Falcon Heavy da Marsa adpravicca čyrvony elektramabil Tesla Roadster.
Iłan Mask (Fota: Susana Gonzalez / Bloomberg)
Kiraŭnik SpaceX rastłumačyŭ, što ličyć «sumnym» abciažarvać testavuju rakietu bietonnymi i stalovymi błokami, tamu vyrašyŭ pakłaści ŭ rakietu «niešta niezvyčajnaje». Jon taksama raspavioŭ, što padčas palotu ŭ aŭtamabili budzie prajhravacca pieśnia Devida Boŭi Space Oddity.
