U Minsku pačnuć kleić na ličylniki vady antymahnitnyja płomby
Minski «Vodakanał» abvieściŭ, što ŭžo nieŭzabavie pačnie piłotnuju prahramu aklejki ličylnikaŭ vady ŭ pryvatnych kvaterach śpiecyjalnymi antymahnitnymi płombami-indykatarami, paviedamlaje Tut.by. Heta robicca dla taho, kab spynić usio bolš raspaŭsiudžanuju praktyku ŭstanoŭki mocnych nieadymavych mahnitaŭ na kvaternyja ličniki.
Miechanizm ličylnika, jaki znachodzicca pad uździejańniem mocnaha mahnitnaha pola, krucicca ŭ zapavolenym tempie i niezakonna źnižaje rachunki za vadu. Ź indykataram heta budzie niemahčyma.
Meta ekśpierymientu — źviadzieńnie da minimumu mahčymaści prymianieńnia spažyŭcami pryład i prystasavańniaŭ, jakija skažajuć pakazańni hetych pryboraŭ. Takimi antymahnitnymi płombami płanujecca abstalavać prybory ŭliku pry praviadzieńni ich płanavaj zamieny. Navinki dazvalajuć dakazać fakt ŭździejańnia mahnitnaha pola na źličalny miechanizm, — kaža dyrektar KUP «Minskvodakanał» Aleh Aŭrucin.
Na pačatak novymi indykatarami buduć abstalavanyja kala dziesiaci vysokapaviarchovych damoŭ. Paralelna viadziecca raspracoŭka prahram, jakija dazvolać atrymlivać pakazańni ličylnikaŭ vady ŭ minskich kvaterach dystancyjna i aŭtamatyčna.
