Vałanciorka «Viasny» ŭvajšła ŭ top-30 pierśpiektyŭnych ludziej Jeŭropy
Štohod vydańnie Forbes šukaje i adznačaje talenavituju i pierśpiektyŭnuju moładź pa ŭsim śviecie. U 2017 hodzie zaŭvažyli i biełarusku. Pravaabaronca Anisija Kaźluk uvajšła ŭ śpis «Forbs 30 da 30 hod» u halinie prava i kiravańnia ŭ Jeŭropie, paviedamlaje Biełsat.
Jak raspaviała Anisija, jana zajmajecca vałanciorstvam u Pravaabarončym centry «Viasna» užo bolej za piać hadoŭ, piša skarhi ŭ orhany ŭłady, źbiraje pieradačy dla palitźniavolenych.
«Viasnoŭcy» Anisija Kaźluk i Eduard Cichanovič za pracaj. Fota: Iryna Arachoŭskaja.
Usiaho ŭ rejtynh uvajšli 300 čałaviek z 34 jeŭrapiejskich krain. U kožnaj z 10 katehoryj, pryśviečanych roznych abłaściach — «Technałohii», «Finansy», «Zabavy», «Prava i palityka», «Navuka i achova zdaroŭja», «Sacyjalnaje pradprymalnictva» i inšych, pradstaŭlenyja pa 30 čałaviek.