NASA vyprabavała jadzierny reaktar, jaki budzie vykarystoŭvacca na Marsie
Kampaktny jadzierny reaktar, stvorany dla doŭhaterminovych čałaviečych misij u kosmasie, byŭ paśpiachova vyprabavany śpiecyjalistami kaśmičnaha ŭpraŭleńnia ZŠA ŭ štacie Nievada, paviedamlaje Reuters.
U pryvatnaści, taki reaktar płanujuć vykarystoŭvać u jakaści krynicy enierhii dla pieršych marsijanskich misij.
Padčas miesiacovych ekśpiedycyj z 1969 pa 1972 hady adnoj z samych składanych zadač było stvareńnie dosyć mahutnaj i pry hetym lohkaj krynicy enierhii. U vypadku z Marsam taksama ŭsio składana: na płanietu traplaje mienš śviatła, čym na Ziamlu, adbyvajucca praciahłyja piasčanyja bury, a pa načach tempieratura rezka padaje.
Pavodle papiarednich raźlikaŭ, astranaŭtam na Marsie spatrebicca 40-50 kiłavat enierhii.
Jadzierny reaktar na Čyrvonaj płaniecie budzie vykarystoŭvać u jakaści paliva ŭran-235 i zabiaśpiečvać enierhijaj pieršych žycharoŭ, sistemy zabieśpiačeńnia žyćcia, a taksama dapamoža zajmacca zdabyčaj resursaŭ, takich jak kisłarod, lod dy paliva.
