Biełaruskija prahramisty stvaryli mabilny dadatak z raskładam ruchu hramadskaha transpartu vaśmi haradoŭ — ad Minska da Žłobina
Kamanda čatyroch biełaruskich prahramistaŭ stvaryła biaspłatny servis ZippyBus, jaki mieścić raskład ruchu hramadskaha transpartu vaśmi biełaruskich haradoŭ. Pry hetym jany abiacajuć samuju aktualnuju infarmacyju ab časie prybyćcia aŭtobusaŭ, tralejbusaŭ i tramvajaŭ.
Siervis dastupny ŭ internecie pa adrasie zippybus.com, a taksama dla pryładaŭ na iOS i Android (pry karystańni dostup da internetu nie patrebny).
Mabilnyja dadatki častkova padtrymlivajuć biełaruskuju movu. Raskład ruchu pakul dastupny dla Minska, Harodni, Bresta, Baranavičaŭ, Pinska, Lidy, Ivanava i Žłobina, ale chutka ŭ śpisie majuć źjavicca taksama Viciebsk, Orša dy Mahiloŭ.
Pavodle słovaŭ kamandy, imi stvorany ŭnikalny miechanizm apracoŭki raskładaŭ aŭtaparkaŭ, jaki dazvalaje štodnia atrymlivać samy aktualny raskład transpartu, to bok karystalnik servisu zaŭsiody maje dakładny raskład ruchu.
Hety prajekt niekamiercyjny: absalutna biaspłatny i biez rekłamy. Raniej ZippyBus nieadnarazova traplaŭ u roznyja rejtynhi biełaruskich mabilnych dadatkaŭ.
