Prazrystyja płanšety i hałahrafičny Lenin: fantazii pra SSSR u 2013 hodzie ŭ sieryjale «Čarnobyl. Zona adčužeńnia» FOTY
U 2014 hodzie na ekrany vyjšaŭ pieršy siezon rasijskaha sieryjała «Čarnobyl. Zona adčužeńnia», jaki staŭsia vielmi papularnym: kožny treci telehladač u Rasii pahladzieŭ jaho.
Pavodle siužetu, piaciora siabroŭ z Maskvy adpraŭlajucca ŭ Prypiać na pošuki skradzienych u adnaho ź ich hrošaj. Tam jany znachodziać «mašynu času». U niekatorych abstavinach hinuć usie siabry hałoŭnaha hieroja, Pašy, i toj vyrašaje viarnucca ŭ minułaje, kab vyratavać siabroŭ i praduchilić avaryju na ČAES. Heta ŭ jaho atrymlivajecca, ale paśla viartańnia ŭ svoj čas hałoŭny hieroj zaŭvažaje, što Saviecki sajuz zachavaŭsia i kvitnieje, a avaryja adbyłasia na adnoj z stancyj u ZŠA.
Praz try hady, u 2017-m, vyjšaŭ praciah sieryjała, u jakim hałoŭny hieroj šukaje svaich siabroŭ, jakija, jak vyjaviłasia, u novym śviecie akazalisia zusim inšymi. Kab znajści ich, Paša nakiroŭvajecca ŭ rodny horad.
Vielmi cikava aŭtary sieryjała pakazali Savieckuju Maskvu ŭ 2013 hodzie. My vybrali niekalki momantaŭ, jakija pakazvajuć, jakoj mahła b być stalica SSSR, kali b samaja vialikaja pa płoščy dziaržava XX stahodździa praisnavała da našych časoŭ.
Prahladajucca matyvy Dubaja, razbaŭlenyja savieckim kanstruktyvizmam
Ajčynny fastfud
Hałahrafičnaja vyjava ź Leninym
Zatoraŭ u horadzie niama. Vielmi raspaŭsiudžanyja maleńkija kampaktnyja aŭtamabili.
Mabilny telefon «Elektronika-8».
Płanšet całkam šklany i prazrysty (za vyklučeńniem bakavych ramak). Heta taksama vidać na nastupnym fota.
Uvachod u padjezd šmatpaviarchovika abstalavany skanieram adbitka palca