Načalnik Kruhlanskaj PMK i jaho syn abvinavačvajucca ŭ bujnym kradziažy majomaści pradpryjemstva
Načalnik Kruhlanskaj PMK i jaho syn abvinavačvajucca ŭ bujnym kradziažy majomaści pradpryjemstva, paviedamlaje Upraŭleńnie SK pa Mahiloŭskaj vobłaści.
Śledčym upraŭleńniem USK pa Mahiloŭskaj vobłaści rasśledujecca kryminalnaja sprava pa abstavinach kradziažu majomaści, ździejśnienaha hrupaj asobaŭ u asabliva bujnym pamiery. Abvinavačanymi pa spravie pryznanyja načalnik dziaržaŭnaha pradpryjemstva «Kruhlanskaja pierasoŭnaja miechanizavanaja kałona № 266» i jaho syn.
Pieršapačatkovymi śledčymi dziejańniami ŭstanoŭlena, što kiraŭnik pradpryjemstva, vykarystoŭvajučy svajo słužbovaje stanovišča, u pačatku 2014 hoda ŭstupiŭ u zmovu sa svaim 31-hadovym synam, kab zavałodać hrašyma arhanizacyi. Dla nadańnia bačnaści zakonnaści svaich dziejańniaŭ syn načalnika PMK zabiaśpiečyŭ rehistracyju ŭ jakaści indyvidualnaha pradprymalnika svajho znajomaha i ŭvieś pieryjad supraćpraŭnaj dziejnaści dziejničaŭ ad jaho imia.
U svaju čarhu kiraŭnik PMK davaŭ niezakonnyja ŭkazańni padnačalenym ab nabyćci aŭtamabilnych zapčastak praz zhadanaha IP z nastupnym pieravodam hrošaj na raźlikovy rachunak pradprymalnika. Pry hetym da zakupačnaj cany dadavałasia nadbaŭka, jakaja ŭ niekatorych vypadkach dasiahała da 100%. U vyniku roźnica pamiž zakupkaj i prodažam zapčastak skłała bolš 1,05 młn rubloŭ. Takim čynam, pradpryjemstvu «Kruhlanskaja PMK № 266» byŭ naniesieny ŭron u asabliva bujnym pamiery».
Dziejańni abvinavačanych kvalifikavanyja śledstvam pa č. 4 art. 210 KK (kradziež šlacham złoŭžyvańnia słužbovymi paŭnamoctvami, učynieny hrupaj asob pa papiaredniaj zmovie ŭ asabliva bujnym pamiery), jany zaklučany pad vartu. Dla pakryćcia naniesienaj dziaržavie škody nakładzieny aryšt na ich majomaść i hrašovyja srodki.
