Makiej: Rasija dla Biełarusi — stratehičny partnior pieršaradnaj važnaści va ŭsich adnosinach
Pra heta ministr zamiežnych spraŭ Biełarusi Uładzimir Makiej zajaviŭ u intervju infarmacyjnamu ahienctvu «Sińchua», paviedamlaje BiełTA
Uładzimir Makiej zaŭvažyŭ, što Biełaruś znachodzicca na styku pamiž Uschodam i Zachadam i na sabie adčuvaje ŭsie niehatyŭnyja nastupstvy kanfrantacyi ŭ rehijonie. «Tamu my chacieli b mieć, jašče raz padkreślu, roŭnanabližanyja adnosiny z usimi. Pry hetym razumiejem, što Rasija dla nas źjaŭlajecca pieršaradnaj važnaści stratehičnym partnioram va ŭsich adnosinach: palityčnym, vajenna-palityčnym, handlova-ekanamičnym, humanitarnym i hetak dalej», - padkreśliŭ ministr.
U 2017 hodzie tavaraabarot pamiž Biełaruśsiu i Rasijaj dasiahnuŭ amal $ 30 młrd, u lepšyja časy jon byŭ roŭny $ 44 młrd. «Ale navat hetaja ličba — $ 30 młrd — kaža pra toje, što z 1995 hoda tavarazvarot pamiž našymi krainami pavialičyŭsia praktyčna ŭ šeść razoŭ», - kanstatavaŭ dypłamat.
Druhim pa važnaści handlova-ekanamičnym partnioram dla Biełarusi źjaŭlajecca Jeŭrasajuz, adznačyŭ Uładzimir Makiej. «Adtul da nas prychodziać pieradavyja technałohii i inviestycyi. Viadoma ž, my nie možam admovicca ni ŭ jakaj miery ad supracoŭnictva ź Jeŭrapiejskim sajuzam.
Raźvićcio našych suviaziaŭ i z Rasijaj, i ź Jeŭrapiejskim sajuzam, i z astatnim śvietam nie aznačaje, što my chočam z kimści siabravać za košt kaho-niebudź ci suprać kaho-niebudź. my raźvivajem našy handlova-ekanamičnyja, palityčnyja adnosiny ź Jeŭrapiejskim sajuzam, pry hetym havorym našym partnioram, što my ni ŭ jakaj miery nie majuć namier siabravać z vami za košt Rasii ci suprać, abo na škodu Rasii «, - źviarnuŭ uvahu jon.
Na dumku ministra, tolki za košt najaŭnaści narmalnych adnosin z usimi hłabalnymi hulcami i ŭ rehijonie, i ŭ śviecie ŭ cełym Biełaruś moža vyžyć.
«Tut niama nijakich supiarečnaściaŭ. U našaj palitycy my zaŭsiody zychodzim z taho, što, jak ja ŭžo skazaŭ, nie prapaviedujem pryncyp kanfrantacyjnych, naadvarot, starajemsia rabić tak, kab vypravić tyja raździalalnyja linii, jakija siońnia prysutničajuć u Jeŭropie i ŭ našym rehijonie, i my heta adčuvajem na sabie», — dadaŭ surazmoŭca.
