Maci chłopčyka z rekłamy H&M skazała, što dumaje pra «rasiscki» švedar
Skandał vakoł chudzi z nadpisam «Samaja krutaja małpa ŭ džunhlach» nijak nie ŭlažacca. Spačatku sa šviedskim vytvorcam admoviŭsia supracoŭničać kanadski repier The Weeknd, a paśla — amierykanski repier G-Eazy, jaki padrychtavaŭ z H&M sumiesnuju kalekcyju.
woke up this morning shocked and embarrassed by this photo. i'm deeply offended and will not be working with @hm anymore... pic.twitter.com/P3023iYzAb
Ale maci chłopčyka, jaki paziravaŭ u chudzi, nie ličyć, što tut jość rasizm.
«Ja maci, i heta adna z socień rečaŭ, u jakich paziravaŭ moj syn. Ja była ź im na ŭsich fotasiesijach, i hetaja nie stała vyklučeńniem. Kožny čałaviek maje prava na svajo mierkavańnie pra hetuju situacyju. Ja sapraŭdy nie razumieju [adkul dumki pra rasizm — zaŭv. Red.], ale nie tamu, što nie chaču razumieć, a tamu, što moj ład myśleńnia nie dapuskaje takich dumak. Vybačajcie», — prakamientavała Tery Manha.
Profilnaja vyjava Tery Manha ŭ fejsbuku.
Brend užo vydaliŭ skandalny zdymak i źniaŭ z prodažu hetaje chudzi. Kampanija patłumačyła, što heta było absalutnaj vypadkovaściu, bo supracoŭniki nie dumali pra rasavyja i kulturnyja asablivaści i, adpaviedna, nie ŭličvali heta. Kampanija zapeŭniła, što asensavała ŭpuščeńnie i nadalej budzie rabić usio, kab padobny kanflikt nie paŭtaryŭsia.