U Viciebskaj vobłaści zahinuŭ motadeltapłanieryst
Padzieńnie motadeltapłana adbyłosia dniom 11 studzienia ŭ Viciebskaj vobłaści Biełarusi, paviedamlaje Tut.by sa spasyłkaj na vidavočcaŭ zdareńnia.
U MNS rehijonu fakt padzieńnia paćviardžajuć: raźbiŭsia motadeltapłan, adziny płanieryst zahinuŭ. Incydent adbyŭsia kala 16.50 na poli kala vioski Łutaŭ Ušackaha rajona.
Fota — 112.by
«Było paviedamleńnie MNS, što ŭ Viciebskaj vobłaści znojdzieny trup mužčyny i nieapaznany latalny aparat. Centr kaardynacyi palotaŭ Biełaeranavihacyja paviedamlaje, što ani vajskoŭcam, ani hramadzianskim sudam dazvołaŭ na vykanańnie palotu ŭ hetym rehijonie nie davali, zajavak nie było. Mahčyma, heta byŭ niesankcyjanavany ŭźlot, ciapier raźbirajemsia», — paviedamiŭ dyrektar Biełaruskaha departamienta pa avijacyi Uładzimir Kościn.
