Biełaruskamoŭny instahram dyzajnierki pra siabroŭstva i vandroŭki
Štotydzień my dzielimsia z vami tałkovymi profilami. Dla natchnieńnia i nie tolki.
Minčancy Hańnie Haŭrylčyk 21 hod, jašče niadaŭna jana vučyłasia na mieniedžarku, ale na 2 kursie BDUKiM zrazumieła, što heta nie jaje, spyniła navučańnie i całkam pryśviaciła siabie hrafičnamu dyzajnu.
Hanna Haŭrylčyk.
Dziaŭčyna prajšła intensiŭny kurs pa dyzajnu ŭ Niamieččynie i maryć, što mienavita z hetym budzie źviazanaja jaje budučynia.
Cikava, što ŭ 2015 hodzie jana pryniała vyklik na siamidzionny čelendž, na praciahu jakoha pavinna była razmaŭlać vyklučna na biełaruskaj. Paśla hetych siami dzion viartacca da ruskaj jana ŭžo nie zachacieła.
Taksama Hanna arhanizoŭvaje chryścijanski moładzievy prajekt #Home_Youth, u miežach jakoha ładziacca i kancerty, i kinaviečary, i hulni dy majstar-kłasy. Zachaplajecca muzykaj i fatahrafijaj, tamu ŭ jaje instahramie vy možacie pabačyć šmat krutych zdymkaŭ pa cheštehu #rabluciopłyjafotakartački.