Statkievič ahučyŭ svoj płan na 25 Sakavika
Lidar niezarehistravanaha Biełaruskaha nacyjanalnaha kanhresu, były palitviazień Mikoła Statkievič u svaim fejsbuku padzialiŭsia płanami nakont śviatkavańnia 100-hodździa niezaležnaści Biełaruskaj Narodnaj Respubliki.
Mikałaj Statkievič. Fota svaboda.org.
U pasiedžańni rabočaj hrupy 8 studzienia brali ŭdzieł Jaŭhien Afnahiel, Uładzimir Niaklajeŭ, Pavieł Sieviaryniec, Viačasłaŭ Siŭčyk, Mikałaj Statkievič, Hienadź Fiadynič. Na nastupnaje pasiedžańnie 16 studzienia Statkievič zaprašaje pradstaŭnikoŭ inšych arhanizacyj, zacikaŭlenych u śviatkavańni Dnia Voli.
«Rabočaja hrupa ličyć mahčymaj formaj masavaha śviatkavańnia šeście ad płoščy Ja. Kołasa da płoščy Niezaležnaści z naviedvańniem miescaŭ, źviazanych z historyjaj BNR, ale ŭ toj ža čas adkryta da abmierkavańnia inšych varyjantaŭ», — napisaŭ Statkievič.
Paviedamlajecca, što arhanizatary źbirajucca padavać aficyjnuju zajaŭku na praviadzieńnie šeścia ŭ Minharvykankam.
***
Na telehram-kanał «Našaj Nivy» možna padpisacca tut.
