Tramp nazvaŭ siabie «stabilna hienijalnym»
White House
Donald Tramp paśla vychadu ŭ śviet knihi «Ahoń i jaraść: usiaredzinie Biełaha doma Trampa», u jakoj jaje aŭtar Majkł Vułf nazyvaje jaho niazdolnym dla pracy prezidentam z-za jaho razumovych zdolnaściaŭ i psichičnaj niestabilnaści, zajaviŭ, što nie prosta razumny, a «stabilna hienijalny». Takuju zajavu prezident ZŠA zrabiŭ u subotu, 6 studzienia, na svajoj staroncy ŭ tvitary.
U pryvatnaści, Tramp abvinavaciŭ svaich apanientaŭ u tym, što jany «dastali staroje kiraŭnictva pa Ronaldu Rejhanu» (u 40-ha prezidenta ZŠA Ronalda Rejhana da kanca žyćcia była dyjahnastavana chvaroba Alchiejmiera.
«Ciapier, kali praz hod aktyŭnaha razboru było dakazana, što rasijskaja zmova byŭ poŭnym padmanam amierykanskaj hramadskaści, demakraty i ich padpiavały, viadučyja chłuślivyja ŚMI, dastali staroje kiraŭnictva pa Ronaldu Rejhanu i pačali kryčać pra psichičnuju ŭstojlivaść i intelekt, - napisaŭ Tramp.
«Na samoj spravie, na praciahu ŭsiaho majho žyćcia maimi dvuma najvialikšymi aktyvami byli psichičnaja ŭstojlivaść i sapraŭdny rozum», - padkreśliŭ amierykanski lidar. Jon nahadaŭ, što jaho byłaja supiernica pa prezidenckaj honcy Chiłary Klintan taksama sprabavała «razyhrać hetuju kartu», ale biespaśpiachova.