Samaja vałasataja dziaŭčyna ŭ śviecie vyjšła zamuž i pačała halić tvar
17-hadovaja Supatra Susufan z Tajłanda, pryznanaja ŭ 2010 hodzie «samaj vałasataj dziaŭčynaj u śviecie» pa viersii Knihi rekordaŭ Hiniesa, vyjšła zamuž. Pra heta paviedamlaje vydańnie Metro.
Fota Daily Mail.
Susufan z Banhkoka ź dziacinstva pakutuje ad redkaha zachvorvańnia — sindromu Abramsa, taksama viadomaha jak hipiertrychoz abo sindrom piarevaratnia. Z časoŭ Siaredniaviečča było viadoma tolki pra 50 takich chvorych. U hetych ludziej pa ŭsim ciele rastuć hustyja vałasy za vyklučeńniem dałoniaŭ i stupniaŭ.
U dziacinstvie Susufan sprabavała rabić łaziernuju epilacyju, ale jana nie dapamahła. Niejki čas jana pierastała zmahacca z vałasami na tvary, adnak paśla viasiella pačała halicca. Pra svajho muža jana kaža tak: «Ty nie tolki moj pieršy mužčyna, ale i kachańnie ŭsiaho majho žyćcia».