Most cieraz Sož na trasie M8 pryznany avaryjnym
Most cieraz Sož na trasie M8 pryznany avaryjnym, paviedamlaje telekanał ANT. Zaraz u metach biaśpieki pa im abmiežavany ruch hruzavoha transpartu.
Most źviazvaje abjaznuju darohu, jakaja viadzie ŭ abłasny centr, — heta ŭčastak respublikanskaj trasy M8 (miaža Rasii — Viciebsk — Homiel — miaža Ukrainy). Jak pakazała ekśpiertyza, z-za karozii ŭ adnym z błokaŭ mosta sapsavałasia armatura. Vielikahruzy ciapier nakiroŭvajuć praz horad: abjazny šlach zajmaje kala 8 km. Ruch dla lehkavych mašyn pakul adkryty.
Pavodle słovaŭ načalnika ŭpraŭleńnia ekspłuatacyi aŭtamabilnych daroh pradpryjemstva «Homielaŭtadar» Siarhieja Mazhova, na padychodach da mosta byli ŭstalavanyja adpaviednyja darožnyja znaki, a taksama schiemy, jakija infarmujuć kiroŭcaŭ, u jakich poŭnaja masa transpartnaha srodku pieravyšaje 5 t, pra nieabchodnaść ruchacca ŭ abychod dadzienaha aŭtadarožnaha mosta. «Vid ramontu i jaho terminy buduć vyznačany Ministerstvam transpartu Biełarusi ŭ najbližejšy čas», — skazaŭ jon.
