U Siryi raźbiŭsia rasijski viertalot. Abodva piłoty zahinuli

U Siryi raźbiŭsia rasijski viertalot Mi-24, dakładvaje «Interfaks» sa spasyłkaj na Minabarony. U vyniku avijakatastrofy zahinuli abodva piłoty. Jašče adzin člen ekipaža — borttechnik — byŭ adpraŭleny ŭ balnicu.

Jak zajavili ŭ vajennym viedamstvie, pryčyna padzieńnia viertalota — techničnaja niaspraŭnaść. Minabarony adznačaje, što viertalot nie abstrelvali.

Rasijski viertalot raźbiŭsia jašče 31 śniežnia. Minabarony paviedamiła pra heta tolki ciapier.

Jak vyśvietliła Conflict Intelligence Team, jakaja adsočvaje rasijskija straty ŭ Siryi, u vyniku krušeńnia viertalota zahinuli major Arciom Kuliš i člen ekipaža pa proźviščy Maćviejeŭ.

0

0

0

0

0

0