Šunievič pryznaŭsia, što kalekcyjanuje zbroju
Fota Siarhieja Hudzilina
Ministr unutranych spraŭ Biełarusi Ihar Šunievič byŭ adnym z haściej navahodniaj prahramy «Hałoŭny efir» na telekanale «Biełaruś-1». Pa scenary, jon spyniŭ mašynu «Džyli» z televiadoŭcami, raschvaliŭ jaje, nahadaŭ pra škodu ałkahalizmu, a paśla sieŭ za rul i raskazaŭ pra siabie i svaje chobi.
«Chobi — saču za navinkami zbrojevaha rynku, — skazaŭ ministr. — Ja patomny palaŭničy. U mianie vialikaja kalekcyja zbroi. Mocna pamiašany na hetym. Śpiecyjalna ŭziaŭ licenziju na kalekcyjanavańnie, bo pieravysiŭ usie dapuščalnyja miežy pa zbroi».
«Adnych pistaletaŭ nie viedaju kolki, — raskazaŭ Šunievič. — Realnych tolki try. Astatnija — makiety. Rarytetnych nidzie nie voźmieš. Pa zakonie nielha. A ŭznaharodnych tolki try», — skazaŭ Šunievič.
