«Ściahanosiec» Fomačkin — z nakazam da chakieistaŭ: Tradycyja — šanavać pamiać dziadoŭ doŭžycca dahetul. Ladovaja placoŭka — pole bitvy
Moładzievaja zbornaja Biełarusi pa chakiei adpraviłasia ŭ ZŠA (Bafała), dzie voźmie ŭdzieł u moładzievym čempijanacie śvietu (pačynajecca z 25 śniežnia). Pierad pajezdkaj na minułym tydni zbornuju zvadzili ŭ Muziej Vialikaj Ajčynnaj vajny, dzie pierad chłopcami vystupili «z nakazam» u najlepšych tradycyjach SSSR.
Da chłopcaŭ źviarnuŭsia Andrej Fomačkin, siońniašni kiraŭnik RCAP «Raŭbičy». Toj samy, jaki vyjšaŭ sa ściaham dyskvalifikavanych rasijskich paralimpijcaŭ u Rya, što vyklikała mocny skandał:
instagram.com/hockey.by
— Ja chaču pavinšavać vas z tym, što vy jak pasłancy našaj Respubliki budziecie abaraniać honar krainy. Vydatna, što hetaja słaŭnaja tradycyja — šanavać pamiać našych dziadoŭ i baćkoŭ doŭžycca dahetul. Vy — bajcy, vajary. Na pole bitvy, jakim dla vas źjaŭlajecca ladovaja placoŭka, pamiatajecie, što za vas zaŭziejem usie my, usia kraina. My vielmi pieražyvajem za vas! Kožnaja hulnia — heta sapraŭdny boj. Pamiatajecie, što navat, kali supiernik macniejšy, jon zaŭsiody budzie pavažać taho, chto zmahajecca da kanca. Chaču vam pažadać pośpiechaŭ! Niachaj udača budzie pobač z vami. Pośpiechaŭ!
Zbornaja Biełarusi vystupić u adnoj hrupie z Šviecyjaj (26 śniežnia), Šviejcaryjaj, Rasijaj, Čechijaj. Čatyry kamandy vychodziać u 1/4 finału. Zbornaja, što zojmie apošniaje miesca, pazmahajecca z takoj ža zbornaj ź inšaj hrupy, za prava zastacca ŭ elicie.
