Padrychtavany prajekt ukaza pa źmienie sistemy vypłaty darožnaha zboru
Padrychtavany prajekt ukaza pa źmienie sistemy zboru dziaržpošliny za vydaču dazvołu na dopusk transpartnaha srodku da ŭdziełu ŭ darožnym ruchu. Ab hetym ŭ prahramie «Hałoŭny efir» na telekanale «Biełaruś-1» raspavioŭ staršynia Pastajannaj kamisii Pałaty pradstaŭnikoŭ pa pramysłovaści, paliŭna-enierhietyčnym kompleksie, transparcie i suviazi Andrej Rybak, piša BiełTA.
Pavodle jaho słoŭ, adna ź viersij, jakija prapracoŭvajucca siońnia, — pamiesiačnaja vypłata transpartnaha zboru z mahčymaściu karektavać tyja terminy, za jakija ŭžo zapłačana. Da prykładu, kali čałaviek karystajecca aŭtamabilem try miesiacy na hod, to i płacić treba za try. Kali źbirajecca pradavać transpartny srodak, to zapłacić možna za miesiac.
«Pavinna być peŭnaja hnutkaść, — skazaŭ deputat. — Siońnia heta takaja sumiesnaja pazicyja ŭrada i parłamientaryjaŭ. Pracoŭnaj hrupaj, jakaja była sfarmiravana z hetych halin ułady, napracavany prajekt ukaza prezidenta. Miarkuju, što adpaviednaje rašeńnie budzie pryniata ŭ najbližejšy čas».
Andrej Rybak kanstatavaŭ, što dziejnaja ciapier sistema była raspracavana niekalki hadoŭ tamu. Pryčynaj takoj sistemy było žadańnie zekanomić srodki na administravańnie hetaha zboru: jość kankretny rabotnik «Biełtechahladu» — jon i praviaraje kvitancyju ab apłacie. «Ale hetaja ideja dała niehatyŭnyja vyniki. Prapanova takaja adviazacca ad čaho b tam ni było — zrabić transpartny zbor. Hramadzianin płacić jaho pa zajaŭnym pryncypie: źbirajecca vyjazdžać na darohu — płacić praz ARIP, bank, poštu abo inšymi sposabami», — prainfarmavaŭ parłamientaryj.
