Śpiecyjalisty raspaviali, čamu nielha pracavać u volny čas
Ludzi, jakija źmiešvajuć pracu i adpačynak, čaściej pakutujuć na źniasileńnie. Akramia taho, u ich źnižany ŭzrovień dabrabytu. Heta pakazała novaje daśledavańnie, praviedzienaje psichołahami z Univiersiteta Ciurycha. U im pryniali ŭdzieł kala 2000 mužčyn i žančyn (siaredni ŭzrost — 42 hady), piša The Daily Mail.
Udzielniki pracavali ŭ roznych śfierach. 7 z kožnych 10 byli žanatyja. 50% pracavali 40 hadzin u tydzień abo bolš. Dobraachvotniki adkazali na šerah pytańniaŭ ab miažy pamiž pracaj i asabistym žyćciom. Da prykładu, udzielniki raspaviali, ci časta jany pracavali doma, u vychodnyja i dumali pra pracu ŭ čas adpačynku. Taksama navukoŭcy acanili ŭzrovień dabrabytu dobraachvotnikaŭ.
Daśledniki vyjavili: udzielniki, u jakich adsutničała vyraznaja miaža pamiž pracaj i adpačynkam, čaściej sutykalisia z vysilvańniem i źnižeńniem ŭzroŭniu dabrabytu. Jany radziej ŭdzielničali ŭ mierapryjemstvach, jakija dapamahajuć rassłabicca i adpačyć ad pracy. Pa słovach śpiecyjalistaŭ, z-za hetaha pavyšajucca ŭzroŭni stresu i tryvohi.
