Łukašenka: Paprakajuć, što zładziŭ miakkuju biełarusizacyju! Mnie što, hiermanizacyju tut rabić?
Parad vyšyvanak u Minsku 2 lipienia 2017 hoda, fota Siarhieja Hudzilina
Kiraŭnik Biełarusi paskardziŭsia na plenarnym pasiadžeńni II Źjezda vučonych na toje, što jaho paprakajuć «u miakkaj biełarusizacyi». Jon miarkuje, što dla luboj nacyi abjadnaŭčaj siłaj pavinna być jaje historyja i tradycyi, paviedamlaje Tut.by.
— Nieabchodna šukać novyja formy prapahandy biełaruskaj kultury i navuki, navučycca rabić heta cikava i zajmalna.
Kiraŭnik Biełarusi paskardziŭsia, što «roznaha rodu dziejačy» navat «u rodnaj Rasii» nie razumiejuć, što adbyvajecca ŭ Biełarusi.
— Mianie ŭ čym paprakajuć? Što ja ŭ Biełarusi zładziŭ miakkuju biełarusizacyju. Słuchajcie, mnie što, hiermanizacyju tut zładzić? — adznačyŭ Alaksandr Łukašenka.
Łukašenka nazvaŭ taki padychod «zakazuchaj» i paraiŭ biełaruskim navukoŭcam i žurnalistam bolš pracavać, «kab rasijanie viedali, što adbyvajecca ŭ samaj blizkaj dla ich krainie».