Kandydatam na miascovych vybarach nie daduć žyvoha radyjoefiru, tolki 3 chviliny ŭ zapisie
Udzielnikam honki za mandaty ŭ miascovych orhanach samakiravańnia dazvolać vystupić na dziaržaŭnych radyjostancyjach, dajučy kožnamu pa try chviliny. Ale ŭ pramy efir nikoha nie puściać — vystupy buduć iści ŭ zapisie, paviedamlaje Tut.by sa spasyłkaju na Centrvybarkam.
Z 22 studzienia da 12 lutaha kandydaty buduć namahacca źmiaścić u try chviliny raspovied i pra siabie, i pra svaje płany dla rehijonu. Zapisy pojduć u efir z 18.00. Kandydaty ź Minsku, da prykładu, buduć vystupać na radyjo «Minsk», a ź Minskaj vobłaści — na radyjo «Minskaja chvala». U inšych rehijonach heta buduć miascovyja dziaržaŭnyja radyjostancyi.
Supracoŭnica aparata Centrvybarkama Halina Mkrtyčan ličyć, što hetaha času całkam dastatkova, kab vykłaści svaju prahramu — «pry piśmiennym padychodzie», — zaznačyła jana.
Miascovyja vybary pryznačanyja na 18 lutaha budučaha hoda.
