MZS: Pasolstva Biełarusi ŭ Izraili praciahnie pracu ŭ Tel-Avivie
Biełaruś paćviardžaje svaju pazicyju prychilnaści rašeńniam AAN pa pryncypie paleścina-izrailskaha ŭrehulavańnia, uklučajučy statusy Ijerusalima. I pakul pasolstva Biełarusi ŭ Izraili pa słovach pradstaŭnika MZS praciahnie pracu ŭ Tel-Avivie. Pra heta padčas bryfinhu zajaviŭ pradstaŭnik MZS Dźmitryj Mirončyk, piša Tut.by.
— My zychodzim z taho, što hetaje pytańnie pavinna vyrašacca ŭ farmacie pramych pieramovaŭ uciahnutych bakoŭ na najaŭnaj mižnarodnaj pravavoj asnovie ŭ poŭnaj adpaviednaści ź dziejučymi rezalucyjami Rady biaśpieki AAN i raniej zaklučanymi damovami, — zajaviŭ Mirončyk.
Pasolstva Biełarusi ŭ Izraili pa słovach pradstaŭnika MZS praciahnie pracu ŭ Tel-Avivie.
— Pytańnie pieravodu biełaruskaha pasolstva moža razhladacca va ŭviazcy z paśpiachovym zaviaršeńniem mirnaha pracesu i znachodžańniem uzajemaprymalnaha rašeńnia nakont kančatkovaha statusu Ijerusalima, — skazaŭ Mirončyk.
Učora Donald Tramp zajaviŭ, što pryjšoŭ čas pryznać Ijerusalim stalicaj Izraila. Tramp taksama zajaviŭ ab pieranosie amierykanskaha pasolstva ŭ Izraili ŭ Ijerusalim, pry hetym jon padpisaŭ farmalnaje apaviaščeńnie Kanhresu ZŠA pra čarhovuju adterminoŭku pieranosu dypmisii jašče na šeść miesiacaŭ.
