U Kijevie prychilniki Saakašvili vyzvalili jaho z mašyny palicyi, jon zaklikaje da impičmientu Parašenki
Eks-prezidenta Hruzii i byłoha kiraŭnika Adeskaj abłasnoj administracyi Michaiła Saakašvili, jakoha siońnia zatrymali ŭ centry Kijeva, prychilniki vyciahnuli z mašyny milicyi, paviedamlaje Ukrainskaja praŭda.
Aktyvisty raźbili šyby i vyciahnuli jaho z zadnich dźviarej.
Ludzi kryčać «Miša». Saakašvili vystupiŭ na leśvicy kaścioła. Vakoł sabrałasia kala tysiačy čałaviek, zatym prychilniki ŭziali Saakašvili ŭ koła i paviali ŭ parłamient.
Spačatku Saakašvili zajšoŭ u ofis svajho «Ruchu novych sił» na Muziejnym zavułku. Ale jaho adcisnuŭ natoŭp ludziej. Jon pabyŭ tam niekalki chvilin sa svaimi prychilnikami. Dalej natoŭp pajšoŭ da parłamienta.
Nahadajem, što ranicaj siłaviki pasprabavali zatrymać Saakašvili. Rabotniki Hienprakuratury Ukrainy i śpiecpadraździaleńnie «Alfa» pryjšli da jaho ŭ ramkach spravy ŭ dačynieńni da byłych ukrainskich palitykaŭ-uciekačoŭ. Sam Saakašvili zalez na dach. Jaho adtul zabrali i zatrymali.
Pa dadzienych SBU, eks-kiraŭniku Hruzii inkryminujuć parušeńnie pa č 1. artykuła 256 — sadziejničańnie ŭdzielnikam złačynnych arhanizacyj i ŭtojvańnie ich złačynnaj dziejnaści.
U Kijevie na dachu doma, dzie jon pražyvaŭ, zatrymany Micheił Saakašvili
Saakašvili pahražaje saskočyć z dachu padčas pieratrusu ŭ jaho kijeŭskaj kvatery
***
Na telehram-kanał «Našaj Nivy» možna padpisacca tut.
