Adkazvać za praviadzieńnie CT u Biełarusi budzie rektar pryvatnaj VNU
bspu.by
Respublikanski instytut kantrolu viedaŭ, jaki adkazvaje za praviadzieńnie centralizavanaha testavańnia, uznačaliŭ Juryj Miksiuk, piša Tut.by.
Jon źmianiŭ na pasadzie Mikałaja Fiaśkova, jaki kiravaŭ RIKV apošni 15 hadoŭ. Fiaśkoŭ — stvaralnik sistemy centralizavanaha testavańnia ŭ Biełarusi, jakuju ličać adnoj z najlepšych u postsavieckich krainach. Viadoma, što jon pakinuŭ pasadu pa ŭzhadnieńni bakoŭ.
U Ministerstvie adukacyi paviedamili, što ŭdziačnyja Mikałaju Fiaśkovu za pracu.
— Staž pracy ŭ halinie Mikałaja Ściapanaviča — 54 hady. My cenim jaho vialiki ŭkład u raźvićcio sistemy adukacyi, - kažuć u ministerstvie. — Jaho vopyt zapatrabavany, Mikałaj Fiaśkoŭ budzie i dalej pracavać u sistemie.
Ź siońniašniaha dnia RIKV kiruje Juryj Miksiuk, rektar Pryvatnaha instytuta kiravańnia i pradprymalnictva. Da pracy ŭ VNU jon uznačalvaŭ ŭpraŭleńnie vyšejšaj i siaredniaj śpiecyjalnaj adukacyi Ministerstva adukacyi.
