Finał dziciačaha «Jeŭrabačańnia-2017» projdzie siońnia ŭ Tbilisi
Finał dziciačaha konkursu pieśni «Jeŭrabačańnie-2017» projdzie siońnia ŭ Tbilisi. Pradstaŭnica Biełarusi Chielena Mieraai vyjdzie na scenu pad piatym numaram, paviedamlaje BIEŁTA.
Žyvuju tranślacyju šou sa stalicy Hruzii buduć vieści «Biełaruś 1» i «Biełaruś 24».
Na scenu «Alimpijskaha pałaca» a 18.00 pa minskim časie vyjduć junyja artysty z 16 krain: Aŭstralii, Ałbanii, Armienii, Biełarusi, Irłandyi, Italii, Kipra, Makiedonii, Malty, Niderłandaŭ, Polščy, Partuhalii, Rasii, Sierbii, Ukrainy i Hruzii.
Biełaruś na dziciačym «Jeŭrabačańni» sioleta pradstaŭlaje Chielena Mieraai ź Minska. U finale jana vykanaje pieśniu «Ja samaja».
Na aficyjnym sajcie konkursu adkrytaja mahčymaść usim biez abmiežavańnia vyznačyć ad 3 da 5 favarytaŭ šoŭ. Prahałasavać možna za lubych udzielnikaŭ z 16 kankursantaŭ, u tym liku pradstaŭnika svajoj krainy. Hałasavańnie zakryjecca siońnia za chvilinu da pačatku finalnaha šou, a paśla vystupleńnia ŭsich artystaŭ znoŭ budzie dastupna na praciahu 15 chvilin.
