Zaś: Niechta sprabuje atrymać niesankcyjavany dostup da dziaržaŭnych infarmacyjnych sistem
U intervju BIEŁTA staršynia Rady biaśpieki Stanisłaŭ Zaś adnoj frazaj adznačyŭ intares zamiežnych subjektaŭ da dziaržaŭnaj infarmacyi.
«Uvieś čas fiksujucca sproby niesankcyjanavanaha dostupu da dziaržaŭnych infarmacyjnych sistem, ukaranieńnia ŭ infarmacyjnuju infrastrukturu škodnaha prahramnaha zabieśpiačeńnia, kradziažu infarmacyi ź biełaruskich elektronnych resursaŭ z dapamohaj śpiecyjalnych techničnych srodkaŭ», — skazaŭ Zaś, nie abaznačyŭšy, praŭda, tych cikaŭnych.
Chto b moh cikavicca dziaržaŭnymi sietkami Biełarusi?
«Naša Niva» paprasiła parazvažać pra heta vajennaha analityka Alaksandra Alesina.
«Jość patencyjyja praciŭniki, jakija i nie chavajuć, što viaduć kibiernietyčnuju raźviedku suprać Rasii, a značyć, i suprać jaje sajuźnikaŭ, u tym liku Biełarusi, — skazaŭ Alesin. — Tamu, na pieršaje miesca ja b pastaviŭ susiednija krainy NATA, a taksama ZŠA, jakija vałodajujuć hihanckimi vyličalnymi mahutnaściami i skanujuć amal usio, skančvajučy telefonnymi razmovami i radyjopieramovami. U NATA vialiki intares da ŭsioj postsavieckaj prastory».
Ale Alesin zaŭvažaje, što infarmacyja pra kolkaść tankaŭ, harmat i samalotaŭ siońnia nie źjaŭlajecca vialikaj tajamnicaj — słovy Zasia pakazvajuć na intares nienazvanych sił da VPK, kamiercyjnaj infarmacyi, mabilizacyjnych płanaŭ i hd.
«Praktyka apošniaha času pakazvaje, što nie tolki patencyjnyja praciŭniki sočać, ale i sajuźniki. Uspomnicie, jak amierykancy prasłuchoŭvali niemcaŭ. Tamu, nie vyklučaju, što adpaviednyja słužby RF cikaviacca infarmacyjaj, jakaja tut cyrkuluje. Heta vidać pa vykazvańniach mnohich palitykaŭ i byłych kiraŭnikoŭ šerahu słužbaŭ. Što treba rasijanam? Jany chočuć viedać namiery biełaruskaha kiraŭnictva, jaho mahčymyja kroki ŭ mižnarodnaj śfiery, u adnosinach z Zachadam, z Ukrainaj i hetak dalej. Bo, vidavočna, nie ŭsio vykazvajecca pry sustrečach pieršych asob, častka infarmacyi atrymlivajecca akolnaj darohaj. Uličvajučy, što pamiž Biełaruśsiu i Rasijaj jość pahadnieńnie nie vieści raźviedździejnaść siłami ahienturnaj raźviedki, to, možna padumać, što svoj intares rasijanie zadavolvajuć inšym čynam», — reziumavaŭ jon.